Kosova është pёrfaqёsuesja me rritjen më të madhe në FIFA të shënuar në vitin 2018 sipas një raporti të publikuar sot (e enjte) nga shtëpia më e madhe e futbollit.
Pёrfaqёsuesja e Kosovёs ka përmbyllur një vit historik, duke fituar vendin e parë në grupin e tretë në Ligën D në Ligën e Kombeve, që i jep mundësi që përmes ‘Play Offit’ të synojë Kampionatin Evropian. Vetёm dy ndeshje e ndajnё pёr kualifikim nё EURO 2020 pёrmes kёtij sistemi.
Kosova vitin 2018 e ka përmbyllur pa humbje, gjë që ka bërë që ‘Dardanët’ të jenë kombëtarja me rritjen më të madhe në renditjen e FIFA-s për këtë vit, duke u ngritur për 46 vende.
Në ranglistën e muajit dhjetor Kosova ka mbetur një pozitën e njëjtë, 131, pёr faktin se nuk janё zhvilluar ndeshje tё pёrfaqёsueseve.
Vitin 2018 si lidere në renditjen e FIFA-s e mbyll Belgjika, që ndiqet nga Kombëtarja e Francës e cila kёtё vit arriti tё shpallet kampion bote nё garёn qё u mbajt nё Rusi. /©Kabllogrami/