Dështon sërish mbledhja e Komisionit për Arsim, për mungesë kuorumi

Papërgjegjësi totale nga ana e deputetëve të Kuvendit të Kosovës, anëtarë të Komisionit për Arsim, pasi që mbledhja e Komisionit për Arsim ka dështuar të mbahet për mungesë të kourumit.

Kjo papërgjegjshmëri rritet akoma për faktin se greva në arsim ka ç’rregulluar komplet funksionimin e sistemit arsimor në gjithë Kosovën dhe ka lënë nxënësit në shtëpi edhe tash kur po hyjmë në javën e dytë grevës, pa shenja serioze se greva do të ndërpritet, raporton Kabllogrami.

Në rend të ditës së këtij komisioni ka qenë miratimi i raportit të punës së Komisionit për vitin 2018 dhe shqyrtimi i Planit të punës për vitin 2019. Kryetari i komisionit, Ismail Kurteshi, ka thënë se në vazhdimësi ky komision është përballur me mungesë të kourumit.

“Nuk ka kourum, gjë që po ndodh disa herë në komisionin e Arsimit dhe nuk është mirë që po ndodh. “, tha ai.

Në këtë mbledhje morën pjesë deputetët Ismajl Kurteshi, Arbërie Nagavci, Teuta Haxhiu, Albulena Balaj dhe Müfera Srbica – Şinik. Ndërkohë që munguan Driton Caushi, Valentina Bunjaku, Fidan Rekaliu, Abdyl Salihu dhe Verica Ćeranić.

Anëtarët e Komisionit vendosën që mbledhja e ardhshme do të mbahet me 28 janar në ora 14:00. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë