Nga 1 janari Franca merr presidencën e BE-së – Cilat do të jenë prioritetet gjatë presidencës gjashtëmujore?

Presidenti i Francës, Emmanuel Macron paraqeti synimet dhe prioritetet e presidencës gjashtëmujore franceze të Bashkimit Europian, e cila nisi më 1 janar 2022.

Objektivat franceze janë në veçanti të “forcojë sovranitetin evropian”, veçanërisht përmes autonomisë ushtarake, të reformojë marrëveshjet e Shengenit, të avancojë “paketën e klimës” me taksimin e karbonit dhe të rindërtojë “një traktat paqeje dhe miqësie me Afrikën “nën patronazhin e BE-së, transmeton portali Kabllogrami.

Kjo presidencë e radhës e Këshillit të BE-së, e cila mbledh së bashku 27 vendet anëtare, por nuk qeveris Komisionin, do t’i lejojë Francës të moderojë debatet dhe të parashtrojë prioritetet e saj.

Presidenca franceze e BE-së do të zhvillohet në mes të “krizës së shëndetit dhe klimës”, “pabarazive në rritje globale”, por edhe përballë “tensioneve në rritje” në kufirin lindor të BE-së. Derisa, disa analistë të proceseve në BE e shohin presidencën franceze si mundësi për liberalizimin e vizave për Kosovën. Se a patën të drejtë në prognozat e tyre mbetet të shihet pas gjashtë muajve. ©Kabllogrami

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë