Propaganda agresive e politikave tё Millosheviqit po vazhdon e njejtё, pa ja hjekur asnjё presje. Mbase pёr faktin se ministёr i propagandёs atёherё ishte presidenti i sotёm serb Vuçiq, i ndihmuar ngushtё po nga njё eksponent i Millosheviqit, i njohur nё Serbi si “Slloba i Vogёl”, pёr faktin se nё atё kohё ishte kryetar i rinisё sё partisё tё cilёn e udhёhiqte Millosheviqi. Ivica Daçiq pёrflitet se ishte koordinatori i fshehjes dhe maskimit tё varrezave masive tё kufomave tё civilёve shqiptarё, tё kryera gjatё luftёs nё Kosovё nga kampanja gjenocidiale serbe nё vitin 1999, qё e shtyri botёn demokratike tё intervenonte nё Kosovё.
Dje, Avioni Civil i Serbisë ka përdorur një gёnjeshtёr – propagandë përmes së cilës ka tentuar ta dëmtojë Aeroportin e Kosovës Adem Jashari. Ata u kanë shkruar mesazhe operatorëve ajrorё në të cilat kanë thënë se Aeroporti i Prishtinës është mbyllur dhe nuk jepen leje për operime të trafikut ajror dhe civil, transmeton Kabllogrami
Të shqetësuar me këtë, kanë qenë operatorët të cilët kanë rezervuar fluturimet e tyre, por këtë e kanë përgënjeshtruar zyrtarët e Aeroportit nga Kosova të cilët janë kujdesur që t’u përgjigjen këtyre mesazheve.
Driton Hyseni, menaxher i planifikimit të fluturimeve në Aeroportin Ndërkombëtar të Prishtinës ka thënë dje për Gazetën Express se Avioni Civil i Serbisë po mundohet të shkaktojë pasiguri dhe huti tek operatorët ajror. “Ne jemi kujdesur që … t’i njoftojmë se gjithçka është në rregull në Aeroportin tonë dhe se të gjitha ato janë shpifje (tё Serbisё)”, ka thënë Hyseni.
Hyseni ka shtuar se lejet për operatorët i jep Republika e Kosovёs dhe se është sqaruar çdo keqkuptim të cilin e kanё shkaktuar nga Avioni Civil i Serbisë.
Por sot me një kumtesë, më shumë qesharake se sa cinike, e publikuar sot nga medie serbe, mëton ta bëjë të vërtetë një lajm të rremë të publikuar dje “se Aeroporti i Prishtinës është i mbyllur për fluturime civile”, raporton sot, Koha.net.
Kumtesa thotë se “Aeroporti i Prishtinës është i mbyllur që nga 6 maji i vitit 1999”.
Sipas saj, ky status i Aeroportit të Prishtinë ende është në fuqi në Serbi.
Kumtesa shton se çështja e normalizimit të trafikut ajror në Kosovë po shqyrtohet në kuadër të forumeve ndërkombëtare në të cilat Serbi merr pjesë aktivisht.
“Si rezultat i këtyre bisedimeve, në vitin 2014 është hapur shtresa e sipërme e hapësirës ajrore e Kosovës me ç’gjë është lejuar që fluturaket të kalojnë nëpër këtë hapësirë. Në forume po vazhdojnë bisedimet për hapjen e shtresës së poshtme të hapësirës ajrore të Kosovës” përfundon kumtesa.
Mbase do rikujtuar Serbinё, se Aeroporti është vërtetë i mbyllur, por vetëm për Okupatorin Serb qё kreu gjenocid me krime makabre kundёr njerёzimit ndaj civilёve nё Kosovё, ku nuk u kursyen as gratё shtatёzёna e as foshnjet e porsalindura, krime kёto tё papara nё Evropё qё pas luftёs sё dytё botёrore, qё e detyruan botёn demokratike tё ndёrhyjё pёr t’i dhёnё fund fashizmit serb. /©Kabllogrami/