“KNOJSIT E RI KNOJNË MA MIRË”

Kultivuesi i kulturës dhe folklorit popullor, Salih Zogiani përmes një postimi në faqen e tij zyrtare në Facebook ka risjellë një ‘mesele popullore’ për siҫ thotë edhe vet, aktualitetin e saj në prag të zgjedhjeve, bën të ditur Kabllogrami.

Poenta e kësaj anekdote popullore riaktualizohet tash në prag të zgjedhjeve, e që jep porosinë që liderët e vjetër duhet t’ia lëshojnë vendin të rinjëve pasi që kanë më shumë energji, elan e vullnet për t’i përmirësuar dhe për t’i ҫuar gjërat përpara.

Në vijim mund ta lexoni të plotë këtë anekdotë impresive:

“Anton Çetta kishte shkuar te kryetari i sindikatës. Duke biseduar, Antoni donte t’ia bënte me dije se duhej ta lëshonte karrigën, e i thotë:
– E kish pasë njani ni knues per qejfi, e i thotë grues: – mos e prej knusin plak, se po knon mirë.
Një ditë u vjen një mysafir. Gruaja del për ta zënë një knues për ta prerë, po mbasi nuk mundi t’i zinte knojsit e rinj, e zuri atë knusin plak dhe e preu, po s’i tregoi burrit.
Të nesërmen, kur i ndjeu burri që po këndojnë knojsit e rinj, e thirri gruan e po i thotë:
– Çka u ba që sot nuk knoi knusi plak, po t’rijtë?
– Knusin plak e kam pre pramë, se nuk mujsha me i zanë ata t’rijtë, – i tha gruaja me frikë.
– Nejse, i tha burri, se kta knojsit e rij po knojkan edhe ma mirë se ai plaki, po s’paskan mujt me knu prej tij.

(Anekdotë aktuale, në prag të zgjedhjeve. Kush është Bektesh e merr vesh, se jemi lodhë me knojsit pleq,S.Z.)”, ka shkruar Salih Zogiani në fund të postimit të tij. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë