Jeremy Corbynit i ikin deputetët për shkak të qasjes jo serioze ndaj Brexit-it dhe antisemitizmit

Shtatë deputetë kanë dhënë dorëheqje nga Partia Laburiste për të protestuar kundër qasjes së Jeremy Corbynit ndaj Brexit-it dhe antisemitizmit.

Sipas këtyre deputetëve, Partia Laburiste është institucionalisht anti-semite dhe se ata do të ndiheshin të turpëruar nëse ende qëndrojnë në të, transmeton KTV. Ndërsa kreu i laburistëve Jermeny Corbyn tha se ishte i zhgënjyer me faktin që deputetët ishin ndier të paaftë për të vazhduar punën për politikat që frymëzuan miliona britanikë në zgjedhjet e vitit 2017.

Deputetët nuk do të themelojnë parti të re politike, por do të funksionojnë si grup i pavarur. Dorëheqja e deputetëve ndodh në kohën kur në Parlamentin britanik pritet që të ketë sërish votim për marrëveshjen e Britanisë me BE-në për dalje nga blloku.

Përndryshe lideri aktual i laburistëve, Jeremy Corbynit ka pasur pikëpamje negative rreth intervenimit të NATO-s në Kosovë, duke qenë kundër atij intervenimi, por s’ka qenë shumë i entuziazmuar as kur është shpallur pavarësia e Kosovës në vitin 2008. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë