Limaj beson se Thaçi do t’ua jap dokumentet Ekipit për dialogun

Një tjetër takim ka mbajtur Ekipi Shtetëror për dialogun, kësaj radhe në zyrat e Nismës Socialdemokrate. Dhjetë anëtarë të këtij ekipi, përveç bashkëkryesuesit Shpend Ahmeti, kanë diskutuar rreth një orë për platformën shtetërore për dialogun, por pa rezultate konkrete.

Nikoqiri i takimit, Fatmir Limaj, ka thënë pas takimit se ai ka qenë i rregullt dhe se beson se shumë shpejt platforma do të jetë e gatshme për Kuvend. raporton KTV.

Por, burrat e këtij ekipi ende nuk i kanë parë dokumentet e dialogut që ka zhvilluar tash e shumë kohë presidenti Thaçi.

Limaj ka thënë se do t’i kenë të gjitha dokumentet që ka edhe presidenti, pasi që sipas tij, ekipi i Presidencës është duke i përgatitur të njëjtat për t’ua dhënë në posedim atyre.

Limaj ka thënë se e rëndësishme është që Kosova të ketë një zë të vetëm në këtë dialog, për ç’gjë është shprehur i sigurt se do ta kenë.

Në anën tjetër, grupi i asamblistëve të LDK-së, i ka kërkuar kreut të Prishtinës që të zgjedhë mes Prishtinës dhe Ekipit negociator.

Kjo pasi, sipas tyre, me angazhimin e tij në këtë përbërje, ka lënë anash punën e kryetarit, për çka LDK-ja i bën thirrje edhe Ministrisë së Administratës Publike të rekomandojë dorëheqjen nga njëra pozitë të Ahmetit. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë