Moti sot në Kosovë më stabil dhe me kthjellime

Sipas parashikimit të meteorologëve, dita e sotme ka zbardhur me mot të freskët, ndërsa gjatë ditës priten kthjellime dhe mot me diell, transmeton Kabllogrami.

Fusha të presionit të lartë nga Mesdheu kanë filluar të shtrihen mbi rajon, ku sot e gjatë ditëve në vijim do të favorizojnë mot më stabil me kthjellime dhe me diell.

Ndërkohë masat e freskëta ajrore që kanë depërtuar edhe mbi vendin tonë do të mbajnë temperaturat rreth vlerave mesatare.

Shigjetëzat e termometrit do të shënojnë 14 gradë celsius kah më e ulëta, ndërsa maksimalet do të arrijnë deri në 27 gradë celsius.

Do të fryjë erë e lehtë dhe mesatare nga verilindja 4-9m/s, ndërsa indeksi UV do të jetë 8.

Nga fillimi i javës së ardhshme sërish pritet të rikthehet moti i nxehtë, me temperatura maksimale që mund të luhaten ndërmjet 32 deri 35 gradë celsius. /©Kabllogrami/