Në Kosovë sot mot i kthjellët por i ftohët

Do të mbajë mot pjesërisht i vranët dhe me diell. Vranësirat vende-vende kanë mundësi të shoqërohen me fjolla të lehta bore. Në shumë zona do të ketë mjegull, ndërsa ngricat paraqiten në gjithë territorin e vendit, thuhet në njoftimit e Institutit Hidrometeorologjik i Kosovës, bën të ditur Kabllogrami.

Tutje njofton IHMK, sot në Kosovë temperaturat minimale do të lëvizin ndërmjet minus 10 deri minus 9 gradë Celsius.

Në vazhdim të njoftimit për qytetarët, IHMK thotë se, shtypja atmosferike po shënon ngritje graduale. Në fushat termike do të kemi ndryshim të theksuar në të dy rrafshet e Kosovës, në Dukagjin temperaturat minimale parashihen të lëvizin ndërmjet -7 deri -5 gradë Celsius, derisa rrafshi i Kosovës paraqitet me temperatura më të ulëta, minimalet parashihen të lëvizin ndërmjet -10 deri -9 gradë Celsius, kurse maksimalet e ditës në gjithë territorin parashihen të lëvizin ndërmjet -3 deri -1 gradë Celsius. Do të fryjë erë nga drejtimi i verilindjes, shpejtësia mesatare e së cilës mund të arrijë deri 7m/s”, njofton IHMK për parashikimin e motit për ditën e sotme. /©Kabllogrami/