Vendos Thaçi: Viti 2019 – Vit i NATO-s në Kosovë

Përmes një njoftimi për media, presidenca ka thënë se më 2019 shënohet 20-vjetori i intervenimit të NATO-s në Kosovë dhe se populli i Kosovës do të jetë përjetësisht mirënjohës për mbështetjen që i dha NATO.

Presidenti i Kosovës, Hashim Thaçi, e ka shpallur vitin 2019, Vit të NATO-s në Kosovë.

“Në këtë vit shënohet 20 vjetori i intervenimit humanitar të NATO-s në Kosovë, intervenim ky që kishte ndodhur pas masakrave, spastrimit etnik dhe krimeve të forcave serbe mbi popullatën civile në Kosovë, si dhe pas dështimit të përpjekjeve diplomatike botërore për gjetjen e një zgjidhjeje paqësore për Kosovën. Më 24 mars 1999, forcat ajrore të NATO-s e kishin nisur fushatën e bombardimeve kundër caqeve të shtetit serb, që kishte zgjatur gjithsej 78 ditë, duke ndalur gjenocidin dhe sjellë lirinë për Kosovën. Populli i Kosovës do u jetë përjetësisht mirënjohës shteteve anëtare të NATO-s për mbështetjen e tyre”, thuhet në njoftimin e presidencçs sё Kosovёs. /©Kabllogrami/

 

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë