Albin Kurti uron festën e Bajramit

Kreu i Lëvizjes Vetëvendosje, Albin Kurti, ka uruar të gjithë besimtarët e besimit islam me rastin e festës së Kurban Bajramit.

Kurti përmes një shkrimi në faqen e tij zyrtare në rrjetin social ‘Facebook’, kujtoi vlerat e solidaritetit dhe sakrificës që na përkujton kjo festë duke thënë se “nuk jemi atë që kemi secili, por jemi ajo që ua japim të tjerëve – pra, jo sa mbajmë për vete, por çka ndajmë me të gjithë”.

“Gatishmëria për sakrificë si vlerë dhe shembull, ndihma e solidariteti me të varfërit dhe të afërmit, shënojnë këtë festë për të cilën ua dëshiroj zemrat dhe sofrat të mbushura përplot. Mbarësia e mirësia, shëndeti e lumturia, qofshin gjithmonë me Ju!” ka shkruar Kurti në urimin e tij me rastin e festës së Kurban Bajramit. /©Kabllogrami/