Juventusi fiton Supërkupën e Italisë: Ronaldo protagonist

Juventusi e ka nisur mbarë vitin 2019, duke rrëmbyer Supërkupën e Italisë. Kjo, për faktin se shënoi fitore sonte ndaj Milanit, në ndeshjen që u zhvillua në Arabinë Saudite, me rezultat minimal 1:0, por që mjaftoi për të ngritur lartë trofeun, transmeton Kabllogrami.  

Kryefjala e ndeshjes ishte portugezi Cristiano Ronaldo që shënoi golin e vetëm në këtë takim, për t’ia sjellë Juventusit trofeun e parë për sivjet, që gjithashtu është i parë për të te “Zonja e Vjetër”.

Ai ka shënuar në pjesëlojën e dytë një gol të çmuar me kokë, në minutën e 61 pas një asistimi nga mesfushori ofanziv i Juventusit  Miralem Pjaniq.

Vlen të theksohet se në minutën e 73 të takimit Milani mbeti me një lojtar më pak në fushë kur Kessie u ndëshkua me karton të kuq. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë