Kurti gjen shumё tё meta nё raportin e Qeverisë për dialogun, reciprociteti askund

Kryetari i Lëvizjes Vetëvendosje Albin Kurti ka thёnё se “nëse do e lexoja dokumentin pa e ditur kush e ka dërguar do të kisha menduar që e ka shkruar një shtet që nuk e njeh shtetësinë e Kosovës e jo vet qeveria e saj” pёrcjell Kabllogrami

Albin Kurti e vlerëson draft dokumentin e Qeverisë së Kosovës për marrëveshjen përfundimtare mes Kosovës dhe Serbisë, si raport jo parimor, dhe në kundërshtim me Kushtetutën e vendit.

Kurti në një konferencë për media gjatë ditës së sotme ka theksuar se qasja e këtij dokumenti të Qeverisë, është qasje e ngjashme me një shtet që nuk e njeh pavarësinë e Kosovës, prandaj ka thënë ai LVV nuk e pranon këtë dokument.

“Na ka ardhur një material 30 faqe nga Qeveria, për dialogun me Serbinë, këtë kryeministri na solli në gjuhën angleze e që qartazi nuk e kishte për neve, por për shtetet e Quint-it. Në këtë material qartazi flitet për parime po qasja është jo parimore. Është mungesë e qasjes së reciprocitetit, mandej është një qasje e gjuhës së ndërmjetësuesit. Nëse do e lexoja dokumentin pa e ditur kush e ka dërguar do të kisha menduar që e ka shkruar një shtet që nuk e njeh shtetësinë e Kosovës e jo vet qeveria e saj”, ka thënë ndёr tё tjera Albin Kurti.

Ai thotë që në këtë raport është kërkuar vetëm ulësja e Kosovës në OKB, por jo edhe njohja e shtetësisë së Kosovës nga ana e Serbisë. Kurti thotë që fjala “njohje” është përmendur, por jo edhe “njohje e pavarësisë së Kosovës”. /©Kabllogrami/

 

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë