Ministri serb: Me Kosovën ‘si një lak rreth qafës’, Serbia s’mund të ecë përpara

Ministri i Shëndetësisë i Serbisë, Zlatibor Lonçar ka thënë se “Nëse presidenti Aleksandar Vuçiq nuk e zgjidh çështjen e Kosovës, unë nuk e di se çfarë është perspektiva jonë, sepse me këtë ‘shkëmb në shpinë’, ne nuk mund të ecim përpara”.

“Nuk jam ekspert për këtë, por perspektiva nuk është e qartë për ne. Është si një lak rreth qafës. Prandaj, kjo çështje duhet të zgjidhet”, citohet nga mediat serbe të ketë thënë ai.

Lonçar ka thënë se gjëja më e rëndësishme është të investojë në paqe, sepse sipas tij, pa paqe gjithçka që bëhet për të përmirësuar ekonominë dhe standardet e qytetarëve nuk do të ketë efekt.

Ndërkohë, presidenti serb, Aleksandar Vuçiq, në një intervistë për agjencinë italiane ANSA ka paralajmëruar se nuk e përjashton mundësinë e njohjes së pavarësisë së Kosovës, por ka rithënë përallat e vjetra serbe, se Beogradi duhet të fitojë diçka si kundërshpërblim, zhargon ky që e përsërisin si papagaj çdo lider serb që vjen në pushtet në Serbi. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë