Rekord i ri në Netflix nga Adam Sandler e Jennifer Aniston /video-trailer/

Filmi me titullin ‘Murder Mystery’ është shikuar nga 30.9 milionë përdorues të Netflix vetëm për 3 ditë.

Filmi më i fundit i Adam Sandler për Netflix, ‘Murder Mystery’ ka thyer një rekord të madh.

Aktori, i cili ka nënshkruar një marrëveshje katër-vjeçare me Netflix në vitin 2017, është bërë sërish bashkë me aktoren Jennifer Aniston, për një komedi që tregon historinë e një çifti nga New York të cilët rastësisht kapen në një aventurë nëpër një udhëtim në Evropë.

Megjithëse kritikët nuk është se po e vlerësojnë Sandler dhe filmat e tij, përdoruesit e Netflix duket se po e duan ende. Në tri ditët e para që nga publikimi, raportimet tregojnë se filmi është shikuar nga gati 30.9 milionë përdorues, që është një nga hapjet më të mëdha për një film të realizuar nga Netflix.

‘Murder Mystery’ i Adam Sandler dhe Jennifer Aniston pritet të kalojë edhe filmin e rekordeve të Netflix, ‘Bird Box’, i cili është shikuar 80 milionë herë në muajin e parë të lansimit. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë