Shpendi, SMS Dardanit: Fol si Kadri Veseli, thuaj se PSD e ka përjashtu Srpska’n – diçka qeshtu

Kryetari i PSD’së, Shpend Ahmeti ka kërkuar nga Shefi i Grupit Parlamentar të PSD’së, Dardan Sejdiu, të flasë sikur Kadri Veseli kur argumenton se pse duhet të votohet buxheti i Shtetit. Ka thënë se PSD duhet të japë argumentin e njëjtë që e ka thënë Kadri Veseli kur ka thënë se PSD e ka përjashtuar Listës Srpska nga vendimmarrja.

“Në qoftë se ka hapësirë e kisha shtuar edhe pjesën që po ta lenim buxhetin në leximin e parë në fatin e listës serbe, do të rrezikoheshin edhe taksa edhe veprimet e tjera që i kemi ndërmarrë në Kosovë në muajt e fundit, diçka qeshtu..qysh tha Kadrija në takim veç PSD e ka përjashtu komplet listën serbe edhe për këtë ua kemi borxh”, ka shkruar Ahmeti në SMS të publikuar nga KosovaPress.

SMS i ishte drejtuar Dardan Sejdiut por ai nuk ishte përgjigjur.

Menjëherë ka reaguar deputeti tjetër i PSD’se, Dardan Molliqaj, i cili ka pyetur se çka kanë borxh.

PSD qё tashmё po konsiderohet si ‘pozitё+’ vendosi të përkrahë Qeverinë në dialog dhe buxhet, por ende s’ka vendosur të marrë pozita qeveritare.

Shpend Ahmeti u nda nga Lëviza Vetëvendosje me 12 deputetë me të cilët u katapultuan nё PSD-nё e Kaqusha Jasharit, prej ku morёn krejt partinё nё dorё.

Aktualisht, PSD ka qenё qelёsi pёr krijimin e ekipit negociator me Serbinë, duke u kundёrshtuar ashpёr nga opozita, LDK dhe LVV – ku prej kёsaj tё fundit rrёmbyen mandatet e deputetit tё cilat sipas pёrllograritjeve s’do tё mund t’i fitonin kurrё. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë