Daçiqi thotë se vetëm ‘Demarkacioni i kufirit me Kosovën’ e zgjidh çështjen e Kosovës!

Ministri i Jashtëm i Serbisë, Ivica Daçiq ka thënë se qëndrim zyrtar i Serbisë për t’u zgjidhur çështja e Kosovës është ‘Demarkacioni i kufirit me Kosovën’.

Sipas mediave serbe, Daçiq u pyet nga një gazetar se nëse qëndrimi zyrtar i Beogradit për të zgjidhur çështjen e Kosovës është për të diskutuar demarkacionin, tha: “Po, në një mënyrë të tillë mund të zgjidhim problemin tonë, kjo është oferta jonë zyrtare”, ka thënë Daçiq.

Ai gjithashtu ka vënë në dukje se një linjë e mundshme e ndarjes ende nuk është “vizatuar”.

Daçiq ka thënë se presidenti serb Aleksandar Vuçiq, në parim, e ka dhënë idenë e demarkacionit dhe se është e vetmja mënyrë realiste për të ardhur deri në një kompromis, por se kjo ide nuk është zhvilluar në dialog.

I pyetur se çfarë ishte demarkacioni i propozuar nga Vuçiq, Daçiq tha se kjo ishte vetëm një ide që duhet të vinte në agjendë dhe të materializohej.

“Mund të ketë ide të tjera për të cilat mund të arrihet një kompromis”, ka shtuar Daçiq.

I pyetur se ku do të ishte kufiri, ai tha – “aty ku të merremi vesh, ku do të ishte e pranueshme për njërën dhe palën tjetër”. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë