Kalkulime interesante para zgjedhjeve: Gafurr Dugolli e sheh fituese LVV, e PDK –në në opozitë

Partitë politike, opinionistë dhe kush jo tjetër të interesuar për zgjedhjet, kanë nisur t’i bëjnë ‘hesapet’ e tyre sa i përket garës së ardhshme zgjedhore. Disa prej tyre tashmë kanë shfaqur publikisht parapëlqimet për koalicionet e mundshme parazgjedhore, shkruan gazeta online Kabllogrami.

Kështu, ende pa u caktuar ndonjë datë zyrtare e zgjedhjeve të parakohshme partitë politike dhe opinionistë të shumtë kanë nisur t’i përpilojnë matematikat e tyre sa i përket garës së ardhshme zgjedhore. Disa prej tyre tashmë kanë shfaqur publikisht preferencat për koalicionet e mundshme parazgjedhore. Koalicioni LVV me LDK nga shumica shihen si fitues të sigurtë të zgjedhjeve, natyrisht nëse garojnë bashkë në koalicion parazgjedhor. Derisa nga PDK-ja kanë thënë se do të garojnë të vetëm, zyrtarët e AAK-së kanë bërë të ditur se PSD-në dhe Nismën Socialdemokrate i shohim si partnerë të mundshëm në koalicion para zgjedhjeve.

Veprimtari dhe njohësi i zhvillimeve politike në vend Gafurr Dugolli, përmes një postimi në faqen e tij në rrjetin social Facebook ka dhënë parashikimet e tij se si do të mund të shkonte ecuria e zgjedhjeve parlamentare që po vijnë si dhe renditja e tyre. Sipas tij, PDK-në edhe vet votuesit e vet nuk e shohin në qeverinë e ardhshme, pasi gjithnjë sipas tij, kjo është më se normale pas 12 viteve në pushtet.

Në vijim mund ta lexoni të plotë dhe pa ndërhyrje postimin e Gafurr Dugollit në rrjetin social Facebook:

Sipas disa matjeve te opinionit, ne zgjedhjet parlamentare qe po vijne, renditja sipas rezultatit do të jetë:
1. VV – 30%
2. LDK- 21%
3. AAK – 15%
4. PDK – 14%
5. NISMA – 7%
6. Lista serbe 5%
7. AKR – 3%
8. PSD – 2%
9. Tjerat – 3%

A do jetë perafersisht keshtu mbetet te shihet. Nje koalicion parazgjedhor VV – LDK do ta bente te sigurt qeverine e ardhshme. Nese nuk ndodh ky koalicion parazgjedhor ateher koalicion i mundshem do te ishte VV – AAK – NISMA, komunitetet (10 deputetë) zakonisht i bashkohen cilitdo koalicion. PDK, edhe nga vet votuesit e saj nuk shihet ne qeverine e ardhme, dhe kjo eshte shume normale pas mëse 12 vite te pushtetit”, ka thënë Dugolli në fund të postimit të tij. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë