Krerët e koalicionit qeveritar mbi dy orë të mbyllur në takim, gazetarëve u mohohet qasja
Ёshtë duke vazhduar takimi mes partnerëve të koalicionin qeverisës, Ramush Haradinajt, Kadri Veselit, Fatmir Limajt e Behgjet Pacollit.
Në zyrën e Kryeministrit Ramush Haradinaj janë mbledhur liderët e koalicionit PDK-AAK-NISMA-AKR, dhe janë ngujuar aty për më tepër se dy orë, duke mos lejuar qasjen e gazetarëve as në oborr të qeverisë.
Partnerët qeveritarë u mblodhën pas zhvillimeve të fundit që kanë rezultuar me përqarje mes tyre. Kryeministri Haradinaj po ngulë këmbë për mosheqjen e taksës prej 100 për qind ndaj produkteve serbe e boshnjake.
Edhe pas thirrjeve publike të bëra nga ndërkombëtarët e veçmas nga Shtetet e Bashkuara të Amerikës, kryeministri Haradinaj ka refuzuar ta heq taksën, pa e njohur Serbia shtetin e Kosovës, derisa kreu i PDK-së, Kadri Veseli është zbutur duke kërkuar që të pezullohet taksa për 120 ditë, duke ngrënë fjalët e veta të dhëna ditë më parë. /©Kabllogrami/