Liverpooli ka ecur tutje në çerekfinale të Ligës së Kampionëve me një paraqitje shumë të mirë në Allianz Arena ndaj Bayern Munichut.
Skuadra e Jurgen Kloppit arriti të fitojë me rezultat prej 1 me 3, më lehtë se që pritej në përballjen e Munichut. Ndeshja e parë kishte përfunduar me rezultat 0:0 në Angli.
Ishte Sadio Mane ai që shënoi golin e parë në minutën e 26 pas asistimit nga Van Dijk.
Në minutën e 39 vendasit barazuan shifrat me një autogol nga Matip, që ishte edhe rezultati i pjesës së parë.
Në pjesën e dytë kur pritej shpërthimi i Bayernit ndodhi e kundërta, Liverpooli shënoi dy herë. Van Dijk në minutën e 69 shënoi me kokë pas krosimit nga korneri të Milner, dhe Sadio Mane shënoi për rezultatin përfundimtar 1 me 3, në minutën e 84.
Liverpooli bëhet ekipi i katërt anglez që siguron kualifikimin në çerekfinale të Ligës së Kampionëve, që do me thënë, krejt ekipet angleze të kualifikuara në Champions League, vazhdojnë tutje drejt trofeut. /©Kabllogrami/