Propaganda e zhurmshme serbe: Kërkon mbledhje urgjente të OKB-së pas formimit të ushtrisë kosovare

Formimi i ushtrisë së Kosovës ka vёnё nё lёvizje makinerinё propaganduese tё kёrcёnimeve, vajtimeve e gёnjeshtrave sipas memorandumeve serbe, ama bash njejtё si nё kohёn e Millosheviqit, mbase tani diç mё agresive, shkruan Kabllogrami.

Ministri i jashtëm serb, Ivica Daçiç (alias: sloba i vogёl) ka bërë me dije se Serbia do të kërkojë mbajtjen e një takimi urgjent të Këshillit të Sigurimit të Organizatës së Kombeve të Bashkuara.

Arsyeja e mbledhjes është, sipas tyre, shkelja brutale e rezolutës 1244 të Këshillit të Sigurimit të OKB-së, me vendimin e Kosovës për themelimin e ushtrisë.

“Ky është kërcënimi më direkt i paqes dhe stabilitetit në rajon dhe ndaj sigurisë së popullit serb që jeton në Kosovë”, ka thënë Daçiç. Nё kёtё frymё propagande herё kёrcёnuese e herё viktimizuese – mbёshtjellur me gёnjeshtra plot, reaguan sot edhe ministri i mbrojtjes sё Serbisё, Vulin, pastaj zyrtarёt Gjuriq e Selakoviq dhe vet krerёt e Serbisё, Bёrnabiq e Vuçiq.

E kur Serbia e pёrmend rezolutёn 1244, pse vallё asnjёherё s’kujtohen tё thonё se pikёrisht duke e marrё parasysh kёtё rezolutё, Gjykata Ndёrkombёtare e Drejtёsisё nё Hagё me kёrkesё tё vet Serbisё, e ka shpalluar tё ligjshme Pavarёsinё e Kosovёs dhe krijimin e shtetit tё Kosovёs, shkruan sot Kabllogrami. E sa pёr t’ia bёrё tё ditur Serbisё, t’ia pёrkujtojmё nёse kanё ‘harruar’ se Ushtria ёshtё pjesё pёrbёrёse e njё shteti qё mёton tё jetё serioz dhe qё synim ka mbrojtjen e sovranitetit dhe integritetit territorial si dhe jetёn e mirёqenien e qytetarёve tё vet, tё cilat kёrcёnohen pikёrisht mga kjo Serbi qё bёn aq shumё zhurmё. /©Kabllogrami/

 

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë