PSD me pozitën miratojnë rezolutën për dialogun, harrojnë Luginën

Deputetët e koalicionit qeverisës bashkë me deputetët e PSD’së mezi kanë votuar rezolutën e propozuar nga partia e Shpend Ahmetit, për dialog me Serbinë, pas peripecive tërë ditore për të bërë kuorumin për votim, raporton Kabllogrami.

Me 59 vota për, 2 abstenime Kuvendi e miratoi rezolutën për ekipin negociator me Serbinë, të propozuar nga PSD’ja.

Sipas kësaj rezolutë, Ahmeti bëhet bashkëkryesues i dialogut me zëvendëskryeministrin Fatmir Limaj.

Ndërkaq, anëtarë sipas kësaj rezolute do të jenë: Enver Hoxhaj nga PDK, Avni Arifi nga AAK, Behgjet Pacolli nga AKR, Mahir Yagcilar, Dardan Gashi, një përfaqësues i shoqërisë civile.

Përveç kësaj, janë rezervuar dy vende për LDK-në dhe LVV-në që e kanë bojkotuar këtë seancë , ndërsa Visar Ymeri dhe Dukagjin Gorani janë emrat që përfliten se do t’i zëvendësojnë këta në pritje. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë