Futbollisti argjentinas Lionel Messi ka thyer një rekord golash në La Liga dhe bëhet kështu lojtari i parë dhe i vetëm që ka shënuar 400 gola në La Liga, transmeton Kabllogrami.
Këtë rekord Messi e arriti me golin në ndeshjen ndaj Eibarit në fitoren prej 3 me 0 të Barcelonës. Vlera e kësaj të arriture historike bëhet akoma e madhe për faktin se Messi këtë shifër e ka arritur në vetëm 435 ndeshje në La Liga për Barcelonën.
Golin e parë për Barçën në ndeshjen e sotme kundër Eibarit e shënoi Suarez në minutën e 19 pas një asistimi të Coutinho-s. Golin e dytë e shënoi Messi në minutën e 53 pas një asisti të Suarezit, derisa golin e tretë e shënoi sërish Suarez në minutën e 59 pas asistit të Robertos.
Barcelona kryeson tabelën me 43 pikë pas 19 xhirove, pesë më shumë se Atl. Madrid në vendin e dytë.
Messi bëhet lojtari i dytë që ka shënuar 400 gola në top pesë ligat evropiane, pas Cristiano Ronaldos i cili ka 409 gola në 507 ndeshje të zhvilluara në Angli, Spanjë, e Itali. /©Kabllogrami/