Edhe Greqia kalon Marrëveshjen e Prespës, Zaev me urime për Tsipras

Edhe parlamenti grek ka ratifikuar Marrëveshjen e Prespës me Republikën e tashmë ‘Maqedonisë Veriore’, dhe kësaj të fundit i hapen dyert gjerësisht pas afro tre dekadave të stagnimit për integrime të përshpejtuar euro-atlantike, raporton Kabllogrami.

Parlamenti grek me 153 për dhe 146 kundër, ka ratifikuar marrëveshjen e Prespës, pas disa shtyerjeve të cilat i bëri kryeministri grek Tsipras, derisa u sigurua se i kishte numrat për lëshuar në votim këtë çështje. Nuk munguan protestat para parlamentit grek që ishin kundër kësaj marrëveshjeje, derisa forca të shumta policore kanë siguruar mbarëvajtjen e punës së parlamentit.

Pas ratifikimit të Marrëveshjes së Prespës nga Kuvendi i Greqisë, i menjëhershme ishte reagimi i kryeministri Zoran Zaev, i cili në profilin e tij në FB, ka uruar homologun e tij grek Alexis Tsipras.

“Urime miku im Alexis Tsipras, bashkë me kombet tona shënuam fitore historike. Qoftë e përjetshme Marrëveshja e Prespës, le të jenë të përjetshme paqja dhe procesi i Ballkanit në Evropë”, ka shkruar kryeministri Zoran Zaev në profilin e tij në Facebook. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë