Haradinaj i reagon Putinit: Sa më shumë Amerikë dhe NATO në Ballkan nënkupton më shumë paqe

Kryeministri i Kosovës, Ramush Haradinaj ka reaguar pas deklaratave të presidentit të Rusisë, Vladimir Putin. Pesidenti rus, Vladimir Putin në një deklaratë për mediat serbe kishte thënë se politikat e SHBA-së dhe aleatëve perëndimorë janë faktorë destablizues në Ballkan.

Lidhur me këtë, kryeministri Haradinaj, përmes një postimi në faqen e tij zyrtare në rrjetin social Facebook ka thënë se sa më shumë Amerikë dhe NATO në Ballkan nënkupton më shumë paqe.

Derisa ka shtuar se një prezencë ruse aktive në Ballkan nënkupton të kundërtën e saj.

“Deklarimeve të Presidentit të Rusisë, Vladmir Putin, dhënë për një media serbe, se politikat e ShBA-së dhe aleatëve përendimor janë faktorë destablizues në Ballkan, iu përgjigjem se më shumë Amerikë dhe NATO në Ballkan nënkupton më shumë paqe, stabilitet dhe zhvillim. Një prezencë ruse aktive në Ballkan nënkupton të kundërten e saj. Kosova vjen në paqe. RH”, ka shkruar Haradinaj në Facebook. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë