Mot me shi e borë nesër në Kosovë
Sipas një komunikate për media tё Institutit Hidro Meteorologjik tё Kosovёs, nesёr në Kosovë do të ketë reshje shiu e bore, bën të ditur Kabllogrami.
“Do të mbajë mot kryesisht i vranët dhe pasdite me reshje shiu dhe bore, derisa në viset malore me lartësi mbidetare mbi 900m parashihet të bie vetëm borë”, thuhet në komunikatë.
Temperaturat minimale parashihen të lëvizin ndërmjet -4 deri -2 gradë Celsius, ndërsa maksimalet e ditës parashihet të lëvizin ndërmjet 2- 3 gradë Celsius.
Do të fryjë erë nga drejtimi i verilindjes dhe juglindjes me shpejtësi 1-7m/s. /©Kabllogrami/