Në Prishtinë e sulmojnë rreth 20 qen endacakë, mezi shpëton i shqyer nga plagët

Në rrugën ‘Xhavit Ahmeti’ në kryeqytet një llavë me rreth 20 qen endacakë e kishin sulmuar brutalisht Skender Nimanin, i cili siç shprehet, për një moment e kishte menduar edhe dorëzimin dhe se jeta e tij po merrte fund.

Lëndime të shumta trupore nga kafshimi i qenve endacakë, ka marrë Skënder Nimani. Secili nga qytetarët jo vetëm në Prishtinë, mund ta ketë fatin e Skender Nimanit, i cili, mëngjesin e 10 janarit, ka luftuar me vdekjen, me hiç më pak se 20 qenë në rrugën “ Xhavit Ahmeti” të kryeqytetit.

Nimani ka treguar për sulmin e përjetuar. Sipas tij, ka qenë çështje minutash rezistenca e tij, sepse dikur ka menduar të dorëzohet, por kishte marrë ndihmë nga një kalimtar i rastit, raporton televizioni KTV.

Përkundër se i kishte kjo fatkeqësi e rëndë dhe e papritur, Skender Nimani thotë që nuk është trajtuar mirë në Klinikën Infektive të QKUK-së, nga mjekët dhe stafi mjekësor që ishin në orar të punës.

E, për trajtimin e qenve endacakë në Prishtinë dhe rrezikun që u kanoset qytetarëve nga ta, Shpend Ahmetit duket se nuk i bëhet vonë, për më tepër, pasi që tash po merret me “çështje madhore”. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë