Marrëveshja e Ankarasë me Moskën ka futur në tensione Turqinë me Shtetet e Bashkuara të Amerikës, për shkak se kjo e fundit thotë se sistemi i mbrojtjes S-400 është kërcënim ndaj avionëve të saj F-35. SHBA po ashtu ka paralajmëruar Turqinë për sanksione të mundshme nëse nuk tërhiqet nga marrëveshja me Rusinë.
Turqia do të pranojë sistemin raketor të mbrojtjes S-400 nga Rusia në fillim të korrikut, ka bërë të ditur presidenti Recep Tayyip Erdogan të dielën, duke injoruar totalisht kërkesën e SHBA-ve.
“Besoj se sistemi raketor S-400 do të fillojë të arrijë në pjesën e parë të korrikut”, ka thënë Erdogan, raporton shërbimi turk i agjencisë CNN.
Ushtruesi i detyrës së Sekretarit të Brendshëm në SHBA, Patrick Shanahan, këtë muaj theksoi se Turqia do të përjashtohet nga programi i avionëve F-35 nëse fillon me blerjen e sistemit raketor nga Rusia.
Erdogan kishte thënë se do të diskutojë për këtë çështje me presidentin Donald Trump në Samitin G-20 që pritet të mbahet këtë muaj, transmeton Radio Evropa e Lirë.
Ministri i Jashtëm i Turqisë, Mevlut Cavusoglu, duke mos iu trembur fare syri, tha se Ankaraja do t’ju kundërpërgjigjet sanksioneve të mundshme nga Uashingtoni. A është ky indikator se Turqia po hidhet përfundimisht në gjirin e Rusisë me të cilën kohët e fundit ka trashur bashkëpunimin duke irituar tej mase aleatët perëndimor të NATO-s. /©Kabllogrami/