Reuters/ Fotoja e javës: Edi Rama i spërkatur me bojë

Sipas agjencisë globale të lajmeve Reuters, fotoja numër një e javës që lamë pas është ajo e shkrepur në çastet kur Edi Rama spërkatet me bojë në Kuvend.

Rubrika “Photos of the Week” (Fotot e javës) kryesohet pikërisht nga reagimi i kryeministrit, sapo deputeti opozitar i PD- së Edi Paloka e gjuan me ngjyrë në seancën plenare.

Kryeministri shqiptar thuhet se ditë më parë e kishte përqeshur deputetin Edi Paloka për mënyrën karakteristike të të folurit, duke rënë nën nivelin e pozitës që mbanë, derisa para se të spërkatej kishte ofenduar dhe provokuar liderin opozitar, Lulëzim Basha duke iu drejtuar kryetarit të Kuvendit të Maqedonisë Veriore, Talat Xhaferit, që ishte i pranishëm në seancë, kur po votohej ratifikimi nga Shqipëria për aderimin e Maqedonisë Veriore në NATO./©Kabllogrami/