Ёshtё varrosur me nderime tё larta polici hero, Izet Demaj, qё humbi jetёn gjatё njё aksioni pёr tё parandaluar njё plaçkitje tё bankёs nё qytetin e Istogut. Varrimi i të ndjerit ёshtё bёrё në varrezat e dëshmorëve në Koshare pёr faktin se i ndjeri ishte edhe ushtar i luftёs çlirimtare, kurse sot për nder të policit Demaj në Kosovë është shpallur ditë zie, transmeton Kabllogrami.
Kryeministri Ramush Haradinaj ka thënë nё varrim, se polici Izet Demaj i ka dhënë Kosovës nder, jo vetëm si polic por edhe ushtar i lirisë. “Jeta e policit Demaj ndaloi fizikisht, por ideali i tij do të jetësohet”, ka thёnё Haradinaj nё ceromoninё e varrimit.
Nuk do të lejojmë asnjëherë që rendin dhe ligjin ta marrin kriminelët. Nuk guxojmë ta lejojmë. Lavdi veprës së policit hero”, ka thënë mes tjerash Haradinaj.
Ndërsa, Rashit Qalaj, Drejtori i Policisë së Kosovës, tha nё varrim, se sot nuk është ditë e zakonshme. “Është e vështirë të gjejë fjalë një epror për policin e tij. Rënia e tij shfaq punën e Policisë që është e gatshme të përballet me sulmet që rrezikojnë sigurinë” ka thёnё Qalaj.
Gjerёsa, Valza Demaj, e bija e vogël e Izet Demajt në ceremoninë komemorative për babanë e saj ka thënë se ndihet krenare e do të rritet me dashurinë për të e me shpresën se Kosova do të bëhet ashtu siç e dëshironte, pёrcjell Kabllogrami.
“I dashur baba shpesh më fole për Agimin, Saliun, Abazin e Aliun, pjesë e të cilëve u bëre edhe ti sot. Ti ishe krenar që luftove krah tyre dhe ne jemi krenarë që të patëm edhe pse shkurt jetuam jetën me ty. Pusho i qetë babi im pranë shokëve që i deshe shumë sepse ne do të rritemi me dashurinë për ty dhe me shpresën se Kosova do të bëhet ashtu siç e dëshiroje ti, e qetë, e suksesshme dhe e sigurt” ka thёnё ajo. /©Kabllogrami/