Basketboll: Kosovës kundër Britanisë i duhet shumë përkrahja nga tifozët

Përfaqësuesja e Kosovës në basketboll do të luajë kundër Britanisë së Madhe në palestrën “Minatori” në Mitrovicë. Basketbolli kosovari nuk po kalon momente të mira së fundi, pasi që në 12 ndeshjet e fundit nuk dinë për fitore. Fitorja e fundit ishte kundër Estonisë dhe daton goxha moti, bën të ditur Gazeta Online Kabllogrami.

Me formë jo fort të mirë dhe lëndime të lojtarëve me peshë te Kosova e për më tepër nga humbja e papritur nga Luksemburgu para disa ditëve, Kosova e pret në Mitrovicë, përfaqësuesen e Britanisë së Madhe që llogaritet favorite e grupit.

Ndeshja Kosova – Britania e Madhe luhet sot me fillim nga ora 20:30 /e mërkurë/, në kuadër të Grupit G të raundit të tretë të parakualifikimeve për “Eurobasket 2021”.

Siҫ thamë, Kosova fushatën në parakualifikuese e nisi të shtunën, kur në udhëtim pësoi nga Luksemburgu autsajder me shifrat 88:80.

Gjatë është llogaritur në fitore ndaj Luksemburgut, që kështu të rivalizohet Britania e Madhe për pozitën e parë në grup, që është e vetmja që dërgon në kualifikimet e rregullta. Me fitore ndaj Britanisë, Kosova mbetet fuqishëm në garë, ndërsa me humbje eventuale thuajse humb gjasat. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë