Ish-Missi i Kosovës, Diellza Kolgezi, ka konfirmuar se është në pritje të fëmijës së parë, por ka shtuar se akoma nuk e di gjininë.
Në Express të KTV-së, ajo ka konfirmuar se është në muajin e pestë të shtatzënisë dhe pret fëmijën e parë me Fisnik Rugovën, basketbollistin e njohur kosovar.
“Unë e kam paralajmëruar edhe në prill se tash do të fillojë një jetë e re se ishte e planifikuar dhe e menduar. Po ndjehem mirë”, ka thënë ajo.
Kolgeci ka thënë se nuk do që tash ta dijë gjininë e fëmijës, teksa këtë e dinë vetëm Fisi dhe Afërdita (Paqarada), mikeshë e saj. /©Kabllogrami/