Dinamo Dresden në izolim vetëm një javë para rifillimit të sezonit

Dynamo Dresden në izolim, vetëm një javë para rifillimit të sezonit

Dinamo Dresden, i cili luan në nivelin e dytë të futbollit gjerman, e kanë futur të gjithë skuadrën e tyre dhe stafin stërvitor në izolim dy-javor pasi dy lojtarë u testuan pozitivisht për koronavirus.

Bundesliga dhe Bundesliga 2 do të fillojnë përsëri ditën e shtunë, më 16 Maj.

Bundesliga është e vendosur që të jetë liga e parë evropiane që rifillon pas mbylljes për shkak të koronavirusit.

“Fakti është se ne nuk mund të stërvitemi dhe as të marrim pjesë në një lojë në 14 ditët e ardhshme,” thuhet në komunikatën e klubit Dynamo Dresden.

Të enjten, Federata Gjermane e Futbollit (DFB) tha se sezoni do të rifillonte nën protokollet e rrepta shëndetësore që ndalojnë tifozët nga stadiumi dhe kërkojnë nga lojtarët që të bëjnë testimin për Covid-19.

Rreth 300 persona, përfshirë lojtarët, stafin dhe zyrtarët, do të jenë në ose rreth stadiumeve gjatë ditëve të ndeshjes.

Liga është pezulluar që nga data 13 Mars. Klubet u kthyen në stërvitje në mes të prillit, me lojtarë që punojnë në grupe të ndara në distancë.

Por të shtunën Dresden, i cili është në fund të tabelës në Bundesliga 2, përmes një komunikate thanë se ata nuk do të jenë në gjendje të përmbushin ndeshjet fillestare.

“Në javët e kaluara, ne kemi bërë përpjekje të mëdha në drejtim të personelit dhe logjistikës, në mënyrë që të zbatojmë në mënyrë rigoroze të gjitha masat e përshkruara mjekësore dhe higjienike,” tha menaxheri i sportit i Dinamos, Ralf Minge.

“Ne jemi në kontakt me autoritetin përgjegjëse shëndetësorë dhe DFL (Federatën Gjermane të Futbollit) për të koordinuar të gjitha hapat e mëtejshëm.”

Përndryshe Dinamo Dresden ishte caktuar me orar të rifillonte sezonit më 17 Maj si mysafir kundër Hannover 96.

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë