Hendboll: Norvegjia – Danimarka të dielën në finalen e madhe të botërorit

Kampionati botëror në hendboll ka mësuar finalistët, ku finalja do të jetë krejt skandinave, pasi Norvegjia dhe Danimarka kanë fituar në gjysmëfinalet e tyre, bën të ditur Kabllogrami.

Norvegjia ka siguruar një vend në finalen e madhe të kampionatit botëror të hendbollit, pasi mposhtën Gjermaninë vendase me rezultat 31-25, në takimin e zhvilluar të premten mbrëma në Hamburg me fillim në ora 20:30. Skandinavët fituan me meritë, pas një beteje të madhe.

Për titullin e më të mirit në botë, në Herning, të dielën do të luftojnë me Danimarkën, e cila mposhti Francën 38-30 në ndeshjen që u zhvillua poashtu të premten në termin më të hershëm prej orës 17:30.

Ndeshja finale luhet të dielën me fillim në ora 17:30 në Herning të Danimarkës.

Të shtunën /sot/ për vend të shtatë takohen Spanja dhe Egjipti (17:30), kurse për vend të pestë luajnë Kroacia e Suedia (20:30).

Ndeshja për vendin e tretë dhe medaljen e bronztë zhvillohet të dielën nga ora 14:30 ku Franca dhe Gjermania luajnë mes vete.

Është ky botërori i 26-të me radhë i hendbollit, që është zhvilluar në dy vende – në Gjermani e Danimarkë. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë