Liverpooli mezi fiton ndaj Crystal Palace

Liverpool ka shënuar fitore jo të lehtë me rezultat 4-3 kundër Crystal Palace, një fitore kjo që i jep epërsi prej shtatë pikëve nga vendi i dytë. Crystal Palace ishin të parët që kaluan në epërsi, por djemtë e Jurgen Klopp në pjesën e dytë kthyen gjithçka në dobi të tyre, transmeton Kabllogrami.

Liverpool ka vazhduar me fitore në Premier Ligën angleze ku sonte kanë mposhtur në Anfield skuadrën e Crystal Palace.

Pjesa e parë ishte anemike për Liverpoolin të cilët nuk arrinin që të gjenin golin, pavarësisht se patën disa sulme.

Ndonëse, skuadra e Jurgen Kloppit arkëtoi pikët e plota duke fituar me rezultat prej 4 me 3, megjithatë ishin mysafirët ata që e mbyllën me epërsi pjesën e parë.

Në minutën e 34 Townsendi i dha epërsinë Crystalit, pas asistimit nga Zaha.

Në pjesën e dytë Liverpooli arriti të përmbysë rezultatin. Salahu shënoi dy gola, derisa nga një gol shënuan Mane e Firmino.

Pasi që mysafirët barazuan rezultatin 2:2 në minutën e 65, reagoi menjëherë Klopp duke e futur në lojë Xherdan Shaqirin në minutën e 71 të takimit, gjë që rezultoi me impakt pozitiv për ‘The Reds’.

Milner në minutën e 89 u ndëshkua me kartonin e dytë të verdhë dhe doli nga loja para kohe.

Për mysafirët shënuan Tomkins e Meyer, me këtë të fundit që shënoi në minutën e 90+5.

Në vendin e parë Liverpooli ka 60 pikë, derisa Crystal Palace në vendin e 14 ka 22 pikë. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë