City fiton si mysafir pas dy humbjeve rresht, fiton edhe Chelsea me vështirësi

Të dielën janë zhvilluar katër duelet e mbetura të javës së 20-të në Premier Ligën Angleze. Pas dy humbjeve radhazi Manchester City më në fund ka arritur të gjejë rrugën e fitores duke mposhtur Southamptonin me rezultat prej 1:3, raporton Kabllogrami.

David Silva kaloi Cityn në epërsi në minutën e dhjetë të takimit pas asistimit nga Bernardo Silva. Vendasit u kundërpërgjigjën duke barazuar shifrat në minutën e 37 përmes Hojbjergut.

Megjithatë, City riktheu sërish epërsinë, të cilën edhe e dyfishoi, në fund të pjesës së parë. Një autogol nga Ward-Prowse i dha epërsinë Cityt në minutën e 45, kurse në minutën e 45+3 Aguero e dyfishoi epërsinë e kampionit anglez.

Pas kësaj fitore City rimerr vendin e dytë me 47 pikë, pas Liverpoolit që prinë me 54 pikë. Derisa në vendin e 17 Southamptoni ka 15 pikë.

Edhe Chelsea fitoi por me vështirësi si mysafir i Crystal Palace me rezultat  0:1, me golin e Kante në minutën e 51 të takimit. Tash Chelsea mban pozitën e katërt në tabelë me 43 pikë, pesë më shumë se Arsenali në vendin e pestë në tabelë.

Derisa Burnley kundër West Ham fitoi me rezultat 2:0, në ndeshjen tjetër të ditës së diel. /©Kabllogrami/

Lexo edhe

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. Pranoj Lexo më shumë